Упершыню ў гісторыі часопіс Vogue выйдзе з пустой вокладкай
1- 7.04.2020, 21:45
- 16,843
Рэдакцыя італьянскай версіі папулярнага часопіса патлумачыла, з чым гэта звязана.
Італьянская версія папулярнага часопіса Vogue выйдзе з пустой вокладкай упершыню за ўсю гісторыю існавання. Фатаграфія з'явілася на старонцы выдання ў Instagram.
Рэдакцыя часопіса адзначыла, што рашэнне надрукаваць цалкам белую вокладку было прынятае не праз адсутнасць малюнкаў, а ў сувязі з тым, што гэты колер «азначае шмат рэчаў адначасова»: павага, перараджэнне, а таксама ўяўляе сабой месца і час для таго, каб задумацца і памаўчаць.
«Казаць пра нешта - пакуль людзі паміраюць, лекары і медсёстры рызыкуюць сваім жыццём, а свет змяняецца назаўжды - гэта не ДНК Vogue Italia», - гаворыцца ў апісанні да допісу.