Навукоўцы назвалі самы прывабны для чалавека водар

У навуковым асяроддзі ён атрымаў назву петрыкор.

Навукоўцы з Аўстраліі прыйшлі да высновы, што самым прыцягальным водарам для чалавека з'яўляецца пах сырой зямлі.

У шасцідзясятых гадах мінулага стагоддзя даследчыкі спрабавалі адшукаць прычыну прывабнасці гэтага водару. Вялікі ўплыў адводзіцца геасміну, які выпрацоўваецца землянымі бактэрыямі пры дапамозе вады. Мільёны гадоў эвалюцыі прывялі да таго, што чалавечыя органы нюху «прыстасаваныя» пад распазнаванне гэтага рэчыва, бо яго прысутнасць азначала верагодную наяўнасць вады паблізу, паведамляе lenta.ua.

Водныя рэсурсы арганізму заўсёды былі жыццёва неабходныя, таму наш мозг па змоўчванні стаў лічыць гэты пах прыемным. Для ўлоўлівання земляных нот дастаткова ўсяго пяці малекул геасміну на мільён. У навуковым асяроддзі пах атрымаў назву петрыкор.

Аналагічныя здольнасці ёсць і ў вярблюдаў, якія такім чынам знаходзяць шлях да аазісаў. Навукоўцы таксама адзначылі, што існуе малалікая група людзей, якім не па душы такі водар. Падчас даследаванняў у іх выяўляецца, алергія на геасмін.