«Белнафтахім» набудзе ў Азербайджане два танкеры нафты

Агульны аб'ём - 160 тысяч тон.

Канцэрн "Белнафтахім" уклаў з азербайджанскай кампаніяй SOCAR угоду на пастаўку двух танкераў нафты агульным аб'ёмам 160 тысяч тон, нафта паступіць у Беларусь з тэрыторыі Украіны па нафтаправодзе "Адэса-Броды", паведаміў агенцтву "Інтэрфакс-Захад" прэс-сакратар Аляксандр Цішчанка.

"У сакавіку пачнуцца пастаўкі нафты з тэрыторыі Украіны па нафтаправодзе "Адэса-Броды". Пацвердзілі ўгоду з азербайджанскай кампаніяй SOCAR на пастаўку двух танкераў нафты агульным аб'ёмам 160 тысяч тон", - сказаў Цішчанка.

Як паведамлялася, у аўторак намеснік старшыні канцэрна "Белнафтахім" Уладзімір Сізоў паведаміў, што пастаўкі нафты на беларускія НПЗ па нафтаправодзе "Адэса-Броды" пачнуцца ў сакавіку.

"Пастаўкі па нафтаправодзе "Адэса-Броды" пачнуцца найбліжэйшым часам, у сакавіку. Аб'ём - некалькі танкераў. Цяпер вядзецца праца у куплі альтэрнатыўнай нафты з выкарыстаннем паўднёвага маршруту, з украінскай тэрыторыі, выкарыстоўваецца трубаправодная інфраструктура (нафтаправод "Адэса-Броды" - ІФ) як самы эканамічны, хуткі і надзейны транспарт", - сказаў Сізоў.