Легенда беларускага біятлону Надзея Скардзіна стала 1000-й спартоўкай, якая заклікала да адстаўкі Лукашэнкі

Ліст падпісалі найлепшыя прадстаўнікі беларускага спорту.

Алімпійская чэмпіёнка ў біятлоне Надзея Скардзіна стала 1000-й прадстаўніцай спорту, якая падпісала ліст за адстаўку Лукашэнкі і супраць гвалту і фальсіфікацый, паведамляе tut.by.

Спартоўцы заклікаюць прызнаць выбары 9 жніўня несапраўднымі, вызваліць палітвязняў, спыніць гвалт, правесці расследаванне дзеянняў сілавых структур і дапамагчы ўсім пацярпелым падчас акцый пратэстаў.

У ліку падпісантаў - шматлікія зоркі беларускага спорту: Ганна Гуськова, Мікалай Казека, Аляксандра Раманоўская, Аляксандра Герасіменя, Ягор і Мікіта Мешчараковы, Надзея Астапчук, Эльвіра Герман, Андрэй Краўчанка, Сцяпан Папоў, Дзмітрый Асанаў, Кацярына Сныціна, Таццяна Ліхтаровіч, Вольга Мазуронак, Васіль Хамутоўскі, Аляксандр Куль, Аляксандр Круцікаў, Артур Удрыс, Вольга Барабаншчыкава, Генадзь Туміловіч, Сяргей Штанюк, Наталля Зверава, Алег Логвін, Меліціна Станюта і многія іншыя.