Віцебскія таксісты: Будзем страйкаваць да выканання нашых патрабаванняў

Да страйку могуць далучыцца і іншыя гарады.

Удзельнікі страйку таксістаў у Віцебску распавялі Telegram-каналу «Баста!» пра свае патрабаванні:

- Сабраліся яшчэ ўчора ў Білеве, патрабаванне - падняць тарыф за адну паездку на 5 капеек. Цяпер прыходзіцца 10-12 гадзін працаваць, каб сям'ю пракарміць. Тое, што кошты ўсюды растуць, нікога не хвалюе. Бензін даражэе, «амартызацыя» даражэе, усё даражэе, але таксіст - будзь добры, працуй з тарыфамі двухгадовай даўніны. Дзе справядлівасць? Пакуль у планах страйкаваць да выканання патрабаванняў. Дзякуй калегам з Воршы за салідарнасць. Ведаем, што з іншых гарадоў таксісты плануюць далучыцца. Праблема актуальная для ўсіх.