У выхадныя на праспекце Незалежнасці будзе абмежаваны рух
4- 16.08.2019, 21:42
- 12,682
Як пойдзе транспарт.
У выхадныя будзе часткова закрыты рух на праспекце Незалежнасці. Падрабязнасці паведамляе «Менсктранс».
Праспект Незалежнасці на ўчастку ад вуліцы П. Броўкі да вуліцы Талбухіна перакрыюць з 5 раніцы 17 жніўня да 6-й раніцы 19 жніўня. Рух абмяжуюць па цотным баку дарогі ў сувязі з асфальтаваннем.
На гэты час аўтобусы паедуць наступным шляхам:
- №20 з боку ДС «Ангарская-4» - да РК «Акадэмічная»;
- №37 у напрамку ДС «Карбышава» па вуліцы Платонава, вуліцы Сурганава, праспекце Незалежнасці і далей па маршруце. У зваротным напрамку - без змяненняў.
Таксама падчас работ магчымы кароткачасовы прыпынак на скрыжаванні вуліцы Сурганава і праспекта Незалежнасці. Калі працы будуць праводзіцца ў зоне прыпынкаў «Дом друку», «пл. Калініна», «Станцыя метро «Парк Чалюскінцаў» у напрамку вуліцы Валгаградскай, там транспарт спыняцца не будзе.