У Турцыі цяжка паранены беларускі дыпламат
6- 24.07.2019, 22:11
- 43,346
У Анкары адкрылі стральбу па дарадцу амбасады Беларусі.
У Анкары сур'ёзна пацярпеў ад узброенага нападу дарадца амбасады Беларусі ў Турцыі ў адміністрацыйных пытаннях Аляксандр Паганшаў, паведамляе Hurriyet.
Паводле звестак выдання, ён у цяжкім стане дастаўлены ў бальніцу з кулявым раненнем.
Інфармацыю пацвердзілі ў МЗС Беларусі.
«Супрацоўнік амбасады вяртаўся з дзіцем дадому, калі псіхічна неўраўнаважаны былы вайсковец некалькі разоў стрэліў у дыпламата», - распавёў афіцыйны прадстаўнік МЗС Беларусі Анатоль Глаз.
Дыпламат знаходзіцца ў шпіталі ў цяжкім стане, яму аказваецца дапамога.
Мужчына, які ўчыніў напад, застрэліўся.