Джонсан прызначыў першых трох міністраў
- 24.07.2019, 21:38
- 7,685
Прэм'ер-міністр Вялікабрытаніі прызначыў міністра фінансаў, унутраных спраў і кіраўніка брытанскага МЗС.
Прэм'ер-міністр Вялікабрытаніі Барыс Джонсан прызначыў першых міністраў новага ўрада, паведамляе The Guardian.
Новым канцлерам скарбніцы (міністрам фінансаў - заўв .) Вялікабрытаніі стаў Саджыд Джавід. Раней ён займаў пасаду кіраўніка Міністэрства ўнутраных спраў.
Замест Джавіда новым міністрам унутраных спраў Вялікабрытаніі Джонсан прызначыў Прыці Патэл. У 2016-2017 гадах Патэл займала пасаду міністаркі спраў міжнароднага развіцця, аднак была вымушаная сысці ў адстаўку пасля таго, як правяла шэраг сустрэч з ізраільскімі афіцыйнымі асобамі без ўзгаднення з Тэрэзай Мэй, якая тады была прэм'ер-міністаркай.
Джонсан таксама ўжо прызначыў новага міністра замежных спраў. Ім стаў экс-міністр у пытаннях Brexit Дамінік Рааб.