Чыноўнікі на валізках

У акупаваным Крыме змяняюцца міністры.

У мінулы чацвер, 11 ліпеня на пасаду афіцыйна ўступіў новы міністр аховы здароўя Крыму Ігар Чамаданаў, піша сайт Крым.Реалии. Чаму папрасіўся ў адстаўку папярэдні міністр Аляксандр Галенка, чым ён запомніўся за чатыры гады працы і што вядома пра яго пераемніку - у гэтым матэрыяле.

З уласнага жадання?

За тыдзень да з'яўлення інфармацыі аб адстаўцы, Аляксандр Галенка прымаў удзел у выязным пасяджэнні «ўрада». Падчас гэтага мерапрыемства ён дэманстраваў роўны загар і кіпучую актыўнасць для падрыхтоўкі дакументаў на рамонт пяцідзесяці крымскіх амбулаторый. А затым раптам напісаў заяву аб звальненні з уласнага жадання ў сувязі са станам здароўя.

Пра тое, што міністр тэрмінова сышоў у адпачынак і напісаў заяву «з уласнага жадання» ў кулуарах крымскага «ўрада» актыўна абмяркоўвалі яшчэ на мінулым тыдні. Але стаўленне да гэтых чутак было асцярожнае - у мінулым годзе Галенку ўжо «адпраўлялі» у адстаўку, а ён пасля гэтага захаваў крэсла. Аднак, у аўторак размовы аб звальненні пацвердзіў «кіраўнік» акупаванага Крыма Сяргей Аксёнаў, у якога апынулася ўжо падрыхтаваная і замена.

На думку крыніцы ў апараце Міністэрства аховы здароўя, сваю пасаду Галенка страціў без відавочных прычын, а так бы мовіць «у планавым парадку». Ці дакладней - праз вялікую колькасці праблем у сферы аховы здароўя. «Паводле колькасці скаргаў мы (міністэрства - КР) адразу пасля ЖКГ і транспарту. А тут выбары на носе - грамадзяне пытанні нязручныя ставяць. Вось ім і адказ - недатыкальных у нас няма, міністр не спраўляўся, і мы яго звольнілі. Такая мабыць логіка», - падзялілася меркаваннямі крыніца.

Чатыры гады не спраўляўся

Каб запісацца на прыём да лекара дыстанцыйна, трэба датэлефанавацца на гарадскі нумар у рэгістратуру строга ў інтэрвале з 8 да 9 раніцы і толькі за адзін дзень да прыёму

Падводзячы вынікі дзейнасці былога міністра, адзначым, што ключавыя праблемы ў сферы аховы здароўя засталіся не развязанымі. Галенка не пасунуўся ў развязанні праблемы кадравага забеспячэння медыцыны. Праграмы падтрымкі сельскай медыцыны і іншыя мерапрыемствы не знялі дэфіцыт спецыялістаў нават у раённых цэнтрах, не кажучы ўжо пра сельскую глыбінку. А схема «распілоўвання» паміж «сваімі» грашовых фондаў для матывацыйных выплат за Галенкам задзейнічала паўсюдна, і ўсе спробы яе спыніць, заканчваліся безвынікова.

Не выканаў Галенка і абяцанага «лічбавання» аховы здароўя - комплексу мерапрыемстваў, сярод якіх магчымасць запісацца на прыём да лекара праз онлайн-рэгістратуру, увядзенне электронных медыцынскіх карт і іншае. Сёння, каб запісацца на прыём да лекара дыстанцыйна, трэба датэлефанавацца на гарадскі нумар у рэгістратуру строга ў інтэрвале з 8 да 9 раніцы і толькі за адзін дзень да прыёму. А замест электроннага дакументаабарачэння лекары працягваюць марнаваць палову часу на запаўненне папяровай дакументацыі. Адпаведна, чэргі нікуды не дзеліся.

Акрамя гэтага, так і не ўдалося наладзіць бесперабойнае забеспячэнне бясплатнымі медыцынскімі прэпаратамі тыя катэгорыі пацыентаў, якім гэта патрэбна. У аптэках Крыма перыядычна знікае то інсулін, то медыкаменты для онкахворых, то лекі ад прастатыту. Прычын такога бязладдзя некалькі, адна з якіх - своечасовыя таргі і аб'ём заявак ад Міністэрства аховы здароўя.

Новы міністр

Аб новым кіраўніку ўстановы вядома пакуль не шмат. На афіцыйным сайце міністэрства аховы здароўя, на 13 ліпеня ў раздзеле «Кіраўніцтва» прадстаўлена інфармацыя толькі пра першага намесніка міністра Валянціну Саўчанку, біяграфічных звестак пра самога міністра пакуль што няма.

На сайце з папярэдняга месца працы Ігара Чамаданава можна толькі даведацца пра тое, што ён скончыў Крымскі медуніверсітэт імя Георгіеўскага, з'яўляецца лекарам вышэйшай катэгорыі і дзевяць гадоў узначальваў Цэнтр пералівання крыві. З неафіцыйных крыніц да гэтага атрымалася толькі дадаць, што добраму старту кар'еры дапамаглі роднасныя сувязі на адной з кафедраў медыцынскага ўніверсітэта.

Згодна з дэкларацыяй аб даходах, прадстаўленай на афіцыйным сайце Міністэрства аховы здароўя, у мінулым годзе Чамаданаў зарабіў 1 мільён 360 тысяч рублёў, валодае двухпакаёвай кватэрай і зямельным надзелам на тысячу квадратных метраў. Ягоная жонка за гэты ж перыяд зарабіла 2 мільёны 326 тысяч рублёў. Сям'я валодае двума вельмі нятаннымі аўтамабілямі - у новапрызначанага міністра Toyota RAV4, а ў жонкі Volkswagen Touareg.

Пераліванне кадраў

Замена кіраўніка Міністэрства аховы здароўя была не адзінай кадравай падзеяй гэтага месяца - перад гэтым у трох раёнах Крыму памянялі пракурораў, а затым раптам пайшоў на пенсію кіраўнік крымскага МУС Алег Тарубараў. А самай гучнай адстаўкай стала замена севастопальскага губернатара Дзмітрыя Аўсяннікава. Зрэшты, крымчукоў гэтыя кадравыя каруселі ўжо даўно не здзіўляюць і ніякага аптымізму не выклікаюць: «ад перастаноўкі месцамі чыноўнікаў сітуацыя не зменіцца», - каментуюць навіны пра адстаўкі карыстальнікі сацыяльных сетак.