У ЗША адстаўны адмірал абвесціў пра ўдзел у прэзідэнцкіх выбарах

Яшчэ адзін дэмакрат абвесціў пра ўдзел у прэзідэнцкіх выбарах 2020 года.

Адмірал ВМС у адстаўцы, былы кангрэсмэн ад Пенсільваніі Джо Сестак паведаміў пра ўступленне ў барацьбу за Белы дом на сваім сайце ў нядзелю, паведамляе «Голас Амерыкі».

Прадстаўляючы сябе выбарнікам, ён заявіў: «Я насіў ваенную форму больш за 31 год, у мірны і ваенны час – ад эпохі В'етнама і "халоднай вайны" да Ірана і ўздыму Кітая».

Ён сказаў, што адкладваў вылучэнне сваёй кандыдатуры для догляду за дачкой, у якой дыягнаставаны рак мозгу.

Сестак уваходзіў у каманду нацыянальнай бяспекі пры прэзідэнту Білу Клінтану. Уладальнік доктарскай ступені дзяржаўнага кіравання, атрыманай у Гарвардзе, ён двойчы балатаваўся ў Сенат ЗША, але беспаспяхова.

Ён падзяляе многія пазіцыі, папулярныя сярод лібералаў, у тым ліку ў пытаннях права на аборт і кантролю над зброяй, а таксама падтрымлівае пагадненне ў ядзернай праграме Ірана.

Сестак – 24-ы дэмакрат, які афіцыйна абвесціў пра намер кінуць выклік прэзідэнту Дональду Трампу на выбарах 2020 года. На гэты момант лідарамі апытанняў з'яўляюцца Джо Байдэн, Бэрні Сандэрс і Элізабэт Уорэн.