Сіноптыкі прагназуюць экстрэмальную спякоту ў Еўропе
19- 22.06.2019, 11:02
- 39,886
Тэмпература паветра ў ліпені-жніўні ў еўрапейскіх краінах будзе вышэй за норму.
Сіноптыкі прагназуюць у Еўропе экстрэмальную 40-градусную спякоту, паведамляе The Guardian.
Адзначаецца, што спалучэнне шторму, які спыніўся над Атлантычным акіянам, і высокі ціск над цэнтральнай Еўропай выцягнуць вельмі гарачае паветра з Афрыкі на поўнач, што прывядзе да патэнцыйна небяспечнай спякоты над значнай часткай заходняй і цэнтральнай Еўропы.
На большай частцы кантынентальнай Еўропы ўдзень чакаецца ад +32 градусаў. У буйных гарадах слупкі тэрмометраў пакажуць да +38... +40 градусаў.
У Францыі чакаюць +35... +40 градусаў, метэаролагі ў Нямеччыне таксама прагназуюць да 40 градусаў цяпла. Не выключаюць, што будзе пабіты нацыянальны тэмпературны рэкорд 2015 года, калі ў Баварыі зафіксавалі 40,3 градуса.
У першай палове наступнага тыдня анамальная спякота чакаецца ў Мадрыдзе, Бэрліне, Парыжы, Брусэлі, Франкфурце. У далейшым - у Бухарэсце, Вене, Будапешце, Бялградзе і Сафіі.
Доўгатэрміновыя прагнозы надвор'я паказваюць, што тэмпература на працягу ліпеня і жніўня, як чакаецца, будзе вышэйшай за звычайную.