Менскае «Дынама» падпісала канадскага хакеіста

Ён выйграваў КХЛ у складзе «Металурга».

Нападнік Франсіс Парэ перайшоў у менскае «Дынама», інфармуе прэс-служба клуба. Дэталі ўгоды не паведамляюцца, інфармуе «Прессбол».

Два папярэднія сезоны Парэ правёў у «Аўтамабіліста». У 118 сустрэчах набраў 68 (30 + 38) балаў.

У мінулым сезоне 31-гадовы канадзец правёў 58 матчаў і набраў 35 (16 + 19) балаў пры паказчыку карыснасці «+12». У пяці сустрэчах Кубка Гагарына ён закінуў адну шайбу.

У 2014 годзе ў складзе «Металурга» стаў уладальнікам Кубка Гагарына.