Да страйку ў Гатаве далучыліся інжынеры
8- 18.06.2019, 17:02
- 18,738
Пратэст працаўнікоў завода прадаўжаецца ўжо два дні.
З учорашняга дня на заводзе «Праммеханіка» ў Гатаве цэхі спыніліся. Людзі спынілі працу, патрабуючы выплаты заробку. З сакавіка яны атрымліваюць грошы часткамі.
Супрацоўнік адміністрацыі заводу «Праммеханіка» распавёў «Радыё Свабода» пра сітуацыю на заводзе:
«Сапраўды, страйкуюць рабочыя. З іх усё пачалося, але цяпер страйкуюць і іншыя супрацоўнікі, у тым ліку - з ліку інжынераў, бо затрымкі з выплатай заробкаў іх гэтак жа тычацца».
З ягоных слоў, за апошнія два тыдні са 100 працаўнікоў завода звольніліся амаль 20%, у тым ліку і частка ІТР.
На мінулым тыдні ў Менгарвыканкам з прадпрыемства адпраўлялі ліст аб праблемах з запазычанасцю перад заводам. Заводу завінаваціліся многія прадпрыемствы Беларусі.