У Менску прайшоў мітынг-канцэрт да Дня Волі

(Абноўлена) Акцыя прайшла ў Кіеўскім скверы.

У Кіеўскім скверы ў Менску 24 сакавіка прайшоў вялікі святочны канцэрт да Дня Волі. Пачатак канцэрту - а 13.00, а сам збор удзельнікаў пачаўся а12.00.

Мерапрыемства дазволіў Менгарвыканкам, арганізатары заклікалі прыносіць нацыянальную сімволіку.

«Белсат», «Радыё Свабода» і «Наша Ніва» вялі онлайн-трансляцыю святочнага мерапрыемства.

18:30

Мітынг-канцэрт закончыўся прамовай арганізатараў - у рэзалюцыі нагадваюць пра пагрозу незалежнасці, карупцыі і несправядлівасці; патрабуюць рэформаў, свабоды, справядлівых выбараў, годных заробкаў, абароны правоў, выхаду Беларусі з так званай «саюзнай дзяржавы» ды іншага.

На выхадзе з пляцоўкі ў Кіеўскім скверы міліцыянты патрабуюць ад наведвальнікаў, каб тыя схавалі бел-чырвона-белыя сцягі.

18:05

Амаль роўна а шостай гадзіне знікла электрычнасць. Падобна да таго, што заглух генератар. Натоўп спявае хорам «Тры чарапахі» N.R.M. разам з гуртом.

17:24

Выступае NRM.

17:15

Выступае кіраўнік Беларускай асацыяцыі журналістаў Андрэй Бастунец. Кажа, што сапраўдную пагрозу незалежнасці нясе наступ на незалежных журналістаў.

17:03

Гурт «Дай дарогу» скончыў выступ. Зараз чарга NRM.

16:49

Рымашэўскага адпусцілі.

16:34

З'явілася інфармацыя, што затрыманы адзін з лідараў Беларускай хрысціянскай дэмакратыі Віталь Рымашэўскі.

16:29

Пачаўся выступ «Дай дарогу!».

16:28

Алесь Пушкін кажа, што не баіцца затрымання пасля свайго рэзкага выступу. «Спадзяюся, што ва ўлады дастаткова розуму не затрымліваць», - кажа ён.

16:16

Выступаюць мастакі Алесь Марачкін і Алесь Пушкін.

Пушкін прадэманстраваў карціну з сякерай. «Тое, што чакае нашу ўладу, калі яна не зменіцца».

16:06

Лідар гурта «Дай дарогу!» Юры Сатыльскі вельмі песімістычна глядзіць на свята. «Плакаць хочацца, трэба святкаваць у цэнтры», - кажа ён

15:55

Затрыманы адзін з лідараў «Маладога Фронту» Зміцер Дашкевіч.

15:29

Выступае гурт «Разбітае сэрца пацана».

15:28

Выступае першы намеснік старшыні руху «За свабоду» Алесь Міхалевіч.

15:14

Павел Севярынец заклікае да яднання.

15:10

Юрась Губарэвіч кажа: «Імпрэза адбываецца, і гэта добра. Людзі падыходзяць. Спадзяюся, што прыйдзе яшчэ больш»

15:00

На акцыю прыехаў адзін з арганізатараў учорашняй акцыі ў Гародні Вадзім Саранчукоў. Ён кажа, што не важна, дзе праходзіць свята. Важна, каб і ўчора, і сёння, і заўтра было.

14:19

Павел Севярынец праводзіць аўтограф-сесію

14:04

У Кіеўскім скверы сабралася некалькі тысяч чалавек, шмат прыйшлі сем'ямі. Атмасфера вельмі разняволеная.

13:50

Выступае KaS.

13:49

Новы кіраўнік АГП Мікалай Казлоў адзіны, хто выступае па-расейску

13:44

Выступілі лідар БХД Віталь Рымашэўскі і кіраўнік БСДП Ігар Барысаў.

13:37

Больш за 1 000 чалавек сабралася.

13:22

Вельмі шмат нацыянальнай атрыбутыкі. Людзі падыходзяць, але трохі перашкаджае фантан пасярод скверу.

13:20

Шмат сцягоў, ёсць вялікі сцяг БХД. Людзі прыехалі з розных рэгіёнаў, напрыклад з Горак.

13:17

Людзі паступова збіраюцца, удзельнікаў акцыі становіцца ўсё больш.

13:14

У Кіеўскім скверы сабралася ўжо больш за 1 000 чалавек, людзі падыходзяць. Яны праходзяць праз кардоны міліцыі, міліцыя паводзіць сябе карэктна.

Працуе фудкорт.

13:11

АГП зладзіла імправізаваную фотазону. Прыйшлі былы і новы лідары партыі Анатоль Лябедзька і Мікалай Казлоў.

13:07

Паводле ацэнак Юрася Губарэвіча, аднаго з арганізатараў акцыі, сабралася блізу 1000 чалавек.

13:01

Кожная з партый-арганізатараў мерапрыемства ўстанавіла свае намёты, дзе распаўсюджваюць агітацыйную прадукцыю і збіраюць сродкі на канцэрт.

12:56

Грак РСП

12:52

У Кіеўскім скверы сабралася ўжо блізу 300 чалавек.

Нагадаем, што мітынг і канцэрт у Кіеўскім скверы дазволіў Менгарвыканкам. Арганізатарамі мерапрыемства выступілі прадстаўнікі руху «За свабоду», БХД, БСДП і АГП.

Таксама ў скверы працуюць фудкорт, палітычны намётавы гарадок і кірмаш рамеснікаў. На канцэрце выступілі гурты «РСП», «NRM», «Дай дарогу», «Няхай», «KaS», «Водар».