У ЕЗ ухвалілі папраўкі да газавай дырэктывы, якія закранаюць «Паўночны струмень - 2»
4- 19.03.2019, 15:59
- 9,690
Газавая дырэктыва будзе распаўсюджвацца не толькі на газаправоды ўнутры Еўразвязу.
Камітэт Еўрапейскага парламента ў прамысловасці, даследаваннях, тэлекамунікацыях і энэргетыцы 18 сакавіка ўхваліў папраўкі да газавай дырэктывы ЕЗ, якія закранаюць будаўніцтва газаправода «Паўночны струмень – 2», паведаміла прэс-служба камітэта ў Twitter, піша "Гордон".
Праект падтрымалі 33 чальцы камітэта, восем выступілі супраць.
@EP_Industry has just approved the deal @JerzyBuzek has negotiated with #RO2019EU & @MAC_Europa on the EU #gas market so it also covers gas pipelines from third countries with 33 votes to 8. pic.twitter.com/ErtJHromPU
— ITRE Committee Press (@EP_Industry) 18 марта 2019 г.
12 лютага Еўрапейскі парламент, Рада ЕЗ і Еўрапейская камісія ўзгаднілі папраўкі. Як адзначылі ў Еўракамісіі, змены прадугледжваюць, што газавая дырэктыва будзе распаўсюджвацца не толькі на газаправоды ўнутры Еўразвязу, але і на газаправоды з трэціх краін. Рабіць выключэнні можна толькі пры захаванні строгіх умоў, у вызначэнні якіх Еўракамісія будзе адыгрываць галоўную ролю. Забяспечваць выкарыстанне дырэктывы будуць нацыянальныя органы пад наглядам ЕК.