29 сакавiка 2024, Пятніца, 16:38
Падтрымайце
сайт
Сім сім,
Хартыя 97!
Рубрыкі

Блогер NEXTA: Высокапастаўлены начальнік магілёўскай міліцыі ўцёк з краіны

51
Блогер NEXTA: Высокапастаўлены начальнік магілёўскай міліцыі ўцёк з краіны
СЯРГЕЙ МАКСІМАЎ
КРЫНІЦА: NEXTA

На сёння мяркуецца, што Максімаў праз Літву вылецеў альбо ў ЗША, альбо ў Ізраіль.

У тэлеграм-канале вядомага беларускага блогера NEXTA з'явілася інфармацыя аб тым, што блізу тыдня таму высокапастаўлены міліцэйскі начальнік, відавочна, збег з краіны, піша mogilev.online.

Са слоў блогера, кіраўнік медслужбы Дэпартамента фінансаў і тылу УУС Магілёўскага аблвыканкама Сяргей Максімаў не выйшаў на працу. А ў ягоным кабінеце знайшлі рапарт аб звальненні, пасведчанне і ключы ад кабінета.

На сёння мяркуецца, што Максімаў праз Літву вылецеў альбо ў ЗША, альбо ў Ізраіль. З афіцыйнага сайта арганізацыі ўжо выдаленая інфармацыя пра яго, аднак яна ёсць у кэшы пошукавікаў. Выканаўцам абавязкаў на ягонай пасадзе цяпер значыцца Алег Катлярэнка.

КРЫНІЦА: NEXTA

Да свайго прызначэння на пасаду кіраўніка медслужбы магілёўскай міліцыі Максімаў загадваў такой жа службай КДБ да яе скасавання.

Са слоў блогера, Сяргей Максімаў сябраваў з «дэпутатам Нацсходу» Аляксандрам Старавойтавым і пабраўся шлюбам з дачкой буйнога магілёўскага забудоўшчыка. Акрамя гэтага, экс-начальнік медслужбы сам з'яўляецца «дэпутатам» Магілёўскага гарсавета 28 склікання ў Арлоўскай выбарчай акрузе №11 (інфармацыя пра гэта ёсць на сайце і цяпер).

Напісаць каментар 51

Таксама сачыце за акаўнтамі Charter97.org у сацыяльных сетках