У Магілёве шматкватэрны дом без ведама жыхароў стаў інтэрнатам

Наступным этапам стаў пачатак працэсу высялення жыхароў.

Жыхары дома № 29 на вуліцы Заслонава ў Магілёве засяляліся ў паўнавартасныя кватэры, летась іх высялялі ўжо з «аварыйнага інтэрнаты». Як шматкватэрны дом без ведама жыхароў атрымаў статус інтэрната? - глядзіце ў відэарэпартажы Могилев.Онлайн.

Праблема закранула адразу некалькіх дамоў на вул.Заслонава: № 28, 29, 30 і дамы № 4 на вул.Будаўнікоў. Гэтыя будынкі нечакана для саміх жыхароў атрымалі новы статус. Са слоў Веры Бандарковай, якая жыве ў доме № 28, яны атрымалі свае кватэры яшчэ ў 80-х гадах, маюць на руках ордэры, у якіх чорным па белым напісана пра засяленне ў «кватэру». Каму і навошта гэта было трэба, можна толькі меркаваць. Як кажуць жыхары, вядома, што гэтыя дамы перашкаджалі праекту будаўніцтва новай трасы.

Пачаліся судовыя цяганіны. Жыхары страсянулі свае архівы, падалі дакументы і ордэры, якія пацвярджаюць іхняе валоданне «кватэрамі». Аднак у судзе з'яўляюцца акты, дзе статус гэтых памяшканняў пазначаны як «інтэрнат» - дакументы былі прынятыя да справы. Далей ваяваць ужо дарэмна, мяркуюць магілёўцы.

Праз пэўны час дом № 29 прызналі аварыйным. Нягледзячы на штомесячную аплату жыхарамі капітальнага рамонту, рамонтныя работы тут не праводзіліся ўжо шмат гадоў. Наступным этапам быў пачатак працэсу высялення жыхароў. А раз дамы з'яўляюцца інтэрнатамі, ніхто нікому нічога не павінен. Хочаце - перасяляйцеся ў іншы інтэрнат, хочаце - на двор. Каб не застацца без даху над галавой, шмат хто, вядома, пагадзіўся на пакоі ў іншых інтэрнатах, метраж якіх быў значна меншы за іхняе папярэдняе жытло. Апошнюю кватэру дома № 29 выселілі ў красавіку 2018 года. Цяпер такі ж лёс чакае астатнія дамы. Калі пагрукаюць у дзверы з просьбай пакінуць законна абжытае на працягу дзясяткаў гадоў жыллё - пытанне часу.