У Гародні прайшла акцыя ў абарону незалежнасці Беларусі

(Абноўлена) Людзі выйшлі з бел-чырвона-белымі сцягамі на мост праз Нёман.

Гарадзенскія актывісты 15 снежня выйшлі на акцыю ў падтрымку незалежнасці Беларусі і супраць «паглыблення інтэграцыі» з Расеяй.

Тэлеканал «Белсат» вёў прамую трансляцыю з акцыі:

15:40 Арганізатары падзякавалі ўсім, хто далучыўся да акцыі.

15:35 Арганізатары акцыі зачытваюць тэкст рэзалюцыі супраць «інтэграцыі» Беларусі і Расеі.

15:30 Удзельнікі акцыі накіроўваюцца да Нёмана. Супрацоўнікі МУС толькі назіраюць за акцыяй і не перашкаджаюць актывістам. У акцыі ўдзельнічаюць блізу 100 чалавек.

15:05 Удзельнікі акцыі трымаюць у руках нацыянальную сімволіку і плакаты супраць інтэграцыі, у тым ліку з цытатамі Кастуся Каліноўскага.

15:00 На акцыі шмат людзей з бел-чырвона-белымі сцягамі. Актывісты патрабуюць ад уладаў размаўляць з імі па-беларуску.

14:55 Некалькі дзясяткаў чалавек прыйшлі на мост праз Нёман. Выстройвае людзей актывіст Мікалай Салянік, лідар Беларускага нацыянальнага кангрэса ў Гародні.