Відэафакт: Залпы амерыканскіх «Абрамс», якія так напалохалі Лукашэнку
29- 15.12.2019, 13:19
- 25,535
Каляднае «прывітанне» для дыктатара.
Амерыканскія танкі Abrams правялі вучэбныя стрэльбы ў літоўскім горадзе Пабрадзе, які размяшчаецца прыкладна за 10 км ад мяжы Беларусі. Адпаведны відэазапіс размешчаны на старонцы Узброеных сіл (УС) Літвы ў Twitter, піша РБК.
«Крыху духу Каляд і трэніровачных стрэльбаў М1 «Абрамс» 1-га батальёна 9-га кавалерыйскага палка войска ЗША ў Пабрадзе», - гаворыцца ў подпісу да апублікаванага відэазапісу.
Ролік суправаджаецца каляднай музычнай кампазіцыяй.
A bit of Christmas spirit and M1 Abrams shooting training by the 1st Battalion of the 9th #US cavalry regiment in Pabrade #Lithuania 🇱🇹🇺🇸 #WeAreNATO #StrongerTogether pic.twitter.com/fYQ72BGJLN
— Lithuanian_Armed_Forces (@LTU_Army) December 14, 2019
Танкавы батальён 9-га палка 1-й дывізіі войска ЗША разгарнулі ў непасрэднай блізкасці ад літоўска-беларускай мяжы ў кастрычніку гэтага года. Гэтая падзея выклікала істэрычную рэакцыю ў Лукашэнкі, які даручыў Савету бяспекі і Міністэрства абароны «падрыхтаваць адэкватнае рэагаванне».
Міністр абароны Беларусі Андрэй Раўкоў запэўніў, што Беларусь павялічыць колькасць наземнага кантынгенту на літоўскім напрамку.
