Вячаслаў Грэцкі пра матчы ўсіх зорак КХЛ: Можа, выканаю буліт з дранікамі

Хакеіст менскага «Дынама» хоча прарэкламаваць беларускую кухню.

Форвард менскага «Дынама» Вячаслаў Грэцкі пракаментаваў галасаванне заўзятараў за яго кандыдатуру пры выбары гульцоў на Матч зорак КХЛ, піша championat.com.

«Народ галасуе, не я прасіў, але людзі хочуць мяне бачыць. Так, дзед Уэйна Грэцкі з Горадні, як і я. Можа, паміж намі і ёсць нейкія сувязі. Я яшчэ пакуль не галасаваў. Я засвяціўся на TSN? Учора мне скінулі гэта, я пасмяяўся. Невялікі шок быў. Падтрымка заўзятараў ёсць, і гэта вельмі добра, мне гэта падабаецца.

Ці ёсць трук пацешны? Мы прыдумаем што-небудзь з Аляксеем Кавалёвым (прэс-аташэ менскага «Дынама». - Заўвага.). Напрыклад, буліт з дранікамі, пакажам усім беларускую кухню», - цытуе Грэцкі.