РФ адклала запуск скандальнага «Паўночнага струменя-2»

У чым прычына?

Расейскі газаправод «Паўночны струмень-2» запрацуе не раней за сярэдзіну 2020 года. Пра гэта заявіў віцэ-прэм'ер РФ Дзмітрый Казак, паведамляе ТАСС.

«У сярэдзіне наступнага года», - сказаў ён, адказваючы на пытанне, калі запрацуе газаправод.

Пры гэтым ён не ўдакладніў, у якім месяцы гэта можа адбыцца.

Нагадаем, у Міністэрстве энэргетыкі і абароны навакольнага асяроддзя Украіны разглядаюць магчымасць падачы апеляцыі на пастанову Даніі дазволіць пракладку «Паўночнага струменю-2» у сваіх водах.

Пра гэта паведаміў міністр энэргетыкі і абароны навакольнага асяроддзя Украіны Аляксей Аржэль.