Мянчук: Беларусь павінна стаць часткай Еўрапейскага Звязу

А ўлада ў краіне павінна мяняцца кожныя 10 гадоў.

На пікетах грамадзянскай кампаніі «Еўрапейская Беларусь» людзі выказваюцца за еўрапейскія каштоўнасці, паведамляе прэс-служба кампаніі:

- Я мяркую, што ўлада павінна мяняцца раз на 10 гадоў, бо гэта норма ва ўсіх цывілізаваных краінах. Таму што, якім бы не быў разумным палітык, нават калі ён геній, немагчыма больш за 10 гадоў даваць нейкую карысць, бо выгарае кожны чалавек.

Безумоўна, я хацеў бы, каб Беларусь была часткай Еўрапейскага Звязу, а не так як цяпер. У Еўрапейскім Звязе няма карупцыі, там іншая палітычная сістэма, іншае мысленне. Я сам напалову расеец, я люблю Расею, люблю Беларусь, але палітыка - гэта іншае.