Алег Сянцоў атрымаў прэмію імя Магніцкага
1- 15.11.2019, 11:24
- 6,187
Узнагароду рэжысёру ўручыла амерыканская тэлевядоўца Меган Макейн.
Алег Сянцоў, украінскі кінарэжысёр і былы палітвязень, быў узнагароджаны міжнароднай прэміяй у галіне журналісцкіх расследаванняў і абароны правоў чалавека імя Сяргея Магніцкага. Трансляцыя цырымоніі, якая традыцыйна праходзіць у Лондане, вялася ў ютуб-канале Hermitage Capital Management – у гэтым інвестыцыйным фондзе працаваў Сяргей Магніцкі, паведамляе «Голас Амерыкі».
Узнагарода была прысуджаная Сянцову яшчэ ў лістападзе летась, аднак рэжысёр не мог яе прыняць асабіста, знаходзячыся за кратамі паводле абвінавачання ў падрыхтоўцы тэрактаў у анэксаваным Крыме.
Узнагароду былому палітвязню ўручыла дачка сенатара Джона Макейна Меган, яе бацька быў пасмяротна ўзнагароджаны прэміяй Магніцкага летась.
Пра ўручэнне ўзнагароды Сянцову ў сваім твітэры напісаў Уільям Браўдэр, заснавальнік Hermitage Capital Management і заснавальнік прэміі Магніцкага.
Oleg Sentsov here at the #magnitskyawards to accept the prize he received in 2018 when he was still in a Russian prison, but couldn’t accept. So moving and wonderful to have him out and here to accept his award. Congratulations Oleg! pic.twitter.com/kArNryL4xM
— Bill Browder (@Billbrowder) November 14, 2019
Прэмія Магніцкага, якая прысуджаецца з 2015 года, уручаецца за заслугі ў сферы журналісцкіх расследаванняў і за дзейнасць у барацьбе за правы чалавека.