Надвор'е на тыдзень: Усё яшчэ цёпла

Заўтра будзе да +22°С.

На гэтым тыдні па-ранейшаму захаваецца цёплае, пераважна без ападкаў надвор'е, толькі ў выхадныя дні яно пачне мяняцца – у нядзелю малаактыўны атмасферны фронт, які будзе перамяшчацца праз тэрыторыю Беларусі, выкліча месцамі кароткачасовыя дажджы. Пра гэта tut.by паведамілі ў Белгідрамеце Мінпрыроды.

22 кастрычніка, у аўторак, пераважна без ападкаў. У начныя і ранішнія гадзіны на большай частцы тэрыторыі чакаецца туман. Тэмпература паветра мінімальная ноччу +5... 11°С, максімальная днём складзе ад +14°С па поўначы да +22°С па поўдні краіны.

23 кастрычніка, у сераду, пераважна без ападкаў. Ноччу і раніцай у асобных раёнах слабы туман. Тэмпература паветра мінімальная ноччу +4... 10°С, месцамі яна не апусціцца ніжэй за +11... 12°С; максімальная тэмпература днём у асноўным +11... 17°С, па поўдні краіны паветра прагрэецца да +18... 20°С.

24 кастрычніка, у чацвер, без істотных ападкаў. Тэмпература паветра мінімальная ноччу +2... 7°С, месцамі +8... 10°С; максімальная тэмпература днём +11... 18°С, па поўдні +19... 22°С.

У пятніцу і суботу, 25–26 кастрычніка, пераважна без ападкаў, толькі месцамі па поўначы краіны магчымы невялікія кароткачасовыя дажджы. Ноччу і раніцай слабы туман. Тэмпература паветра мінімальная ноччу +4... 11°С, максімальная тэмпература днём +11... 18°С, у паўднёвых раёнах да +21°С.

27 кастрычніка, у нядзелю, малаактыўны франтальны раздзел выкліча месцамі, пераважна па паўночнай палове Беларусі, кароткачасовыя дажджы. Ноччу і раніцай слабы туман. Тэмпература паветра мінімальная ноччу +4... 11°С, максімальная днём +9... 16°С, па поўдні да +19°С.