У Нямеччыне затрымалі банду з Беларусі, якая рабавала грузавікі

Бандыты рабавалі пераважна на аўтабане ў ваколіцах Гановэра.

Толькі ў Ніжняй Саксоніі зламыснікі ўчынілі амаль 60 злачынстваў. Агульная шкода, прычыненую бандытамі, перавышае паўмільёна еўраў, паведаміў Еўрапол.

Праваахоўныя органы Нямеччыны разам з французскай жандармерыяй, уладамі Чэхіі і Еўрапейскім паліцыянтам агенцтвам (Еўрапол) абясшкодзілі злачынную групоўку з Беларусі, якая займалася крадзяжом тавараў з грузавікоў, паведаміў Еўрапол у прэс-рэлізе, апублікаваным у пятніцу, 18 кастрычніка, паведамляе dw.com.

У паведамленні адзначаецца, што мэтай АЗГ, у склад якой уваходзілі як мінімум шэсць грамадзян Беларусі, з'яўляліся грузавыя аўтамабілі на паркоўках і ў зонах адпачынку ўздоўж аўтатрас. Толькі ў федэральнай зямлі Ніжняя Саксонія зламыснікі падазраюцца ва ўчыненні амаль 60 злачынстваў, а агульная шкода ад іх дзеянняў перавышае паўмільёна еўраў.

Бандыты рабавалі пераважна на аўтабане нумар 7 у ваколіцах адміністрацыйнага цэнтра Ніжняй Саксоніі Гановэра. Расследаванне было распачатае ў Нямеччыне ў снежні 2018 года. Дзякуючы абмену інфармацыяй з Еўраполам, высветлілася, што зламыснікі нясуць адказнасць і за шэраг аналагічных злачынстваў у Францыі.

Затрыманне з довадамі злачынства

Было ўстаноўлена, што чальцы АЗГ спецыяльна заехалі на тэрыторыю ЕЗ з мэтай учынення злачынстваў. У дадатак да некалькіх легкавых аўтамабіляў у іх распараджэнні было некалькі фур для транспартавання грузаў з месца злачынства ў іншыя краіны.

У прэс-рэлізе Еўрапола паведамляецца, што чатыры чальцы групоўкі, у тым ліку яе верхавод, былі затрыманыя з доказамі злачынства ў Нямеччыне 10 кастрычніка. «Падчас затрымання была канфіскавана фура з выкрадзенымі тэлевізарамі. Расследаванне працягваецца», - адзначаецца ў паведамленні.