Лукашэнка: У найбліжэйшыя два гады нас будуць вельмі моцна «каштаваць на зуб»

2019 і 2020 гады будуць няпростымі для дыктатара.

Пра гэта на цырымоніі ўручэння дзяржаўных узнагарод, якая адбылася 11 студзеня на прыёме ў Лукашэнкі на стары Новы год, заявіў кіраўнік Беларусі, паведамляе tut.by.

«Год будзе розным для ўсіх: для кагосьці лёгкім, для кагосьці цяжкім. Але смею дакладна сказаць, што для нашай краіны, для нашага народа не толькі 2019-ы, але і 2020 год будзе няпростым. Гэта няпростыя гады, таму што, скажу шчыра, у гэтыя два гады нас будуць вельмі моцна «каштаваць на зуб», - адзначыў Лукашэнка.

«У спорце год таксама асаблівы, я пра гэта казаў. Таму год будзе няпростым, але вельмі цікавым, як нехта з журналістаў нядаўна сказаў», - дадаў дыктатар.