На акцыях у Менску запатрабавалі разблакаваць «Хартыю-97»

Плакаты ў падтрымку сайта прынеслі як у парк Перамогі, так і ў Кіеўскі сквер.

Сёння ў Менску прайшлі дзве акцыі, прысвечаныя Першамаю. На адной з іх, арганізатарам якой выступілі афіцыйныя прафзвязы, былі затрыманыя пяць актывістаў, якія разгарнулі нацыянальныя сцягі, паведамляе прэс-служба Беларускага Нацыянальнага Кангрэсу.

У аднаго з іх быў плакат з патрабаваннем спыніць рэпрэсіі супраць СМІ.

Таксама актывісты грамадзянскай кампаніі «Еўрапейская Беларусь» ўзялі ўдзел у мітынгу ў Кіеўскім скверы. Яны прыйшлі з транспарантам «Свабоду Хартыі-97».

Нагадаем, што 24 студзеня рэжым Лукашэнкі заблакаваў незалежны інфармацыйны рэсурс Charter97.org. Блакаванне пацвердзіў першы намеснік міністра інфармацыі Ігар Луцкі. Міністэрства інфармацыі ўзначальвае Аляксандр Карлюкевіч.

Абыйсці блакаванне можна, і вось інструкцыі:

- Самы просты спосаб чытаць «Хартыю'97»

- Як абысці блакаванне сайта «Хартыя-97»

- Як абысці блакаванне сайта на Android і iOS

- Памяняйце DNS на сваім кампутары і чытайце Хартыю

- Чытайце «Хартыю-97» у сацыяльных сетках