Як чытаць «Хартыю» пасля 30 красавіка: новыя спосабы
18- 29.04.2018, 9:39
- 67,032
Яшчэ некалькі простых спосабаў абыходу блакавання сайта.
Сэрвіс Opera VPN, які дазваляў абысці блакаванне сайта Charter97.org у Беларусі, абвесціў пра спыненне працы з 30 красавіка.
Калі вы карыстаецеся Opera VPN, прапануем загадзя паклапаціцца пра тое, каб чытаць «Хартыю-97», у тым ліку і на мабільных прыладах. Ніжэй новыя спосабы, якімі па-ранейшаму можна карыстацца для абыходу блакавання.
Не забывайцеся апавесці пра спосабы абыходу блакавання сайта сваім сябрам і блізкім. Навучыце карыстацца імі людзей сталага веку. Выкладвайце тэксты самых цікавых і важных артыкулаў з сайта на сваіх старонках у сацсетках.
1. Гугл-перакладнік Google Translate
Гэта самы просты спосаб адкрыць заблакаваны сайт. Рэч у тым, што любая інфармацыя, якую мы ўводзім у Google Translate, апрацоўваецца на сэрверах, размешчаных у ЗША. Калі вы ўведзяце адрас заблакаванага сайта ў левае поле, то ў правым з'явіцца гэты ж самы адрас у выглядзе гіперспасылкі. Націсніце на яе. У большасці выпадкаў вы адразу трапіце на заблакаваны сайт. Зменіце мову перакладніка з "расейскай" на "расейскую", з "беларускай" на "беларускую". На адкрытай старонцы націсніце ўнізе спасылку "Паглядзець арыгінал старонкі". Чытайце сайт "Хартыі". Гэты метад працуе толькі ў поўнай (не мабільнай) версіі Гугл-перакладніка.
2. Праграмы, якія дазваляюць абысці блакаванне
Утыліта Ultrasurf прызначаная для прыладаў з аперацыйнай сістэмай Windows і працуе з усімі папулярнымі браўзерамі, у тым ліку з Chrome, Firefox, Opera, Internet Explorer, Microsoft Edge. Яна адрозніваецца простасцю ўсталявання і налады. Проста распакуйце запампаваны файл утыліты ў патрэбнай тэчцы і запусціце яго.
Утыліта Betternet таксама прызначаная для прыладаў з аперацыйнай сістэмай Windows і працуе з большасцю папулярных браўзераў. Таксама даступная на Android. Пасля ўсталявання і запуску праграма інтэгруецца ў сістэмны трэй. Для падлучэння да выдаленага вузла трэба выклікаць меню праграмы і клікнуць на кнопку «Connect». Выбар сэрвера адбываецца ў пункце «Select Virtual Location».
3. Правераныя метады абыходу блакавання
Выкарыстоўвайце пашырэнні і браўзеры з убудаванымі спосабамі абыходу блакавання.
4. Уключэнне рэжыму эканоміі трафіку ў браўзерах.
Акрамя Opera, такая функцыя ёсць у браўзерах Google Chrome, UC Browser, Puffin. Іх можна ўсталяваць як на кампутар або ноўтбук, так і на смартфон або планшэт. Рэжым эканоміі трафіку ўключаецца ў наладах.
***
Папярэднія рэкамендацыі для абыходу блакавання:
– Пакрокавая інструкцыя для абыходу блакавання
– Новыя простыя спосабы абысці блакаванне сайта Charter97.org
- Самы просты спосаб чытаць «Хартыю'97»
- Як абысці блакаванне сайта на Android і iOS
- Памяняйце DNS на сваім кампутары і чытайце Хартыю
- Чытайце «Хартыю-97» у сацыяльных сетках
Чытайце сайт Charter97.org таксама ў сацыяльных сетках:
https://www.facebook.com/charter97.org
https://twitter.com/charter_97
