Актывісты БХД: Людзі чытаюць пра «Хартыю-97» на пікеце і кажуць «Жыве Беларусь!»

4.02.2018, 13:26
11,184

У Віцебску патрабавалі разблакаваць незалежны інфармацыйны рэсурс.

У Віцебску актывісты аргкамітэта стварэння партыі «Беларуская хрысціянская дэмакратыя» правялі пікет у падтрымку «Хартыі-97».

Адметнай рысай пікету стала тое, што ўпершыню з моманту блакавання сайта «Хартыі-97» жыхары Віцебску адкрыта выказалі сваё стаўленне да гэтай падзеі, паведамляе «Віцебску вясна».

Сваімі ўражаннямі ад пікету падзялілася актывістка БХД Ірына Захарава:

«Пэўны эфект ад нашых пікетаў ёсць. Сёння ўвагу мінакоў прыцягваюць невялікія плакаты ў нашых руках: «Чытаю Хартыю-97», «Гляджу Белсат», «Так не будзе». Праязджаюць у грамадскім транспарце людзі выходзяць, праходзяць мінакі, звяртаюць увагу, чытаюць, а некаторыя нават кажуць абурана: «Жыве Беларусь!».