Яўген Жоўціс: Я захапляюся людзьмі, якія змагаюцца з дыктатурай

Кожны сайт, супрацьлеглы расейскай прапагандзе - на вагу золата.

Пра гэта заявіў вядомы праваабаронца з Казахстана Яўген Жоўціс у каментары пра блакаванне сайта Сharter97.org:

- Паколькі я жыву ў дзяржаве з падобным рэжымам, мне добра знаёмая сітуацыя з блакаваннем сайтаў, якія падаюць альтэрнатыўную інфармацыю. Гэта зусім прадказальна, улічваючы прыроду аўтарытарных рэжымаў. У гэтым Лукашэнка і Назарбаеў падобныя. Дыктатуры разглядаюць усякую незалежную інфармацыю, як пагрозу. Незалежным СМІ даводзіцца сыходзіць у сацыяльныя сеткі і прадаўжаць барацьбу там.

Для Беларусі, у якой і так вельмі мала незалежных СМІ, гэта істотны ўдар. Пасля ўкраінскіх падзей, у якіх Расея паказала сваё сапраўднае аблічча, кожная крыніца інфармацыі, супрацьлеглая пуцінскай прапагандзе - на вагу золата. На жаль, беларускія ўлады абмежавалі сваіх грамадзян у доступе да гэтай інфармацыі.

Я выдатна разумею, што такое цэнзура і барацьба з незалежнымі СМІ. Я захапляюся людзьмі, якія прадаўжаюць барацьбу за свабоду інфармацыі і змагаюцца з дыктатурай.

Нагадаем, што 24 студзеня рэжым Лукашэнкі заблакаваў незалежны інфармацыйны рэсурс Charter97.org. Блакаванне пацвердзіў першы намеснік міністра інфармацыі Ігар Луцкі. Міністэрства інфармацыі ўзначальвае Аляксандр Карлюкевіч.

Абысці блакаванне можна, і вось інструкцыі:

- Самы просты спосаб чытаць «Хартыю'97»

- Як абысці блакаванне сайта «Хартыя-97»

- Як абысці блакаванне сайта на Android і iOS

- Памяняйце DNS на сваім кампутары і чытайце Хартыю

- Чытайце «Хартыю-97» у сацыяльных сетках