Валянцін Голубеў: «Хартыя-97» - незалежная крыніца інфармацыі, з якой я пачынаю свой дзень

Блакаванне сайта парушыла права многіх беларусаў.

Пра гэта распавёў аўтар Дэкларацыі аб незалежнасці Беларусі, гісторык, дэпутат апазіцыі Беларускага Народнага Фронту ў Вярхоўным Савеце 12-га склікання Валянцін Голубеў, каментуючы блакаванне сайта Charter97.org:

- Сайт «Хартыя-97» быў адной з незалежных крыніц інфармацыі, з якіх я пачынаў свой дзень. З блакаваннем сайта на тэрыторыі Беларусі, мяне абмежавалі ў атрыманні інфармацыі. А я хацеў бы ведаць іншы пункт гледжання. Вядома, мяне гэта не задавальняе.

Думаю, што адная з прычын блакавання незалежнага сайта гэта тое, што ўлады не хочуць, каб многія апублікаваныя на Charter97.org артыкулы аператыўна даходзілі да шырокага кола чытачоў.

Хачу сказаць, што я падтрымліваю ўсю каманду сайта! Усяго вам самага найлепшага!

Нагадаем, што 24 студзеня рэжым Лукашэнкі заблакаваў незалежны інфармацыйны рэсурс Charter97.org. Блакаванне пацвердзіў першы намеснік міністра інфармацыі Ігар Луцкі. Міністэрства інфармацыі ўзначальвае Аляксандр Карлюкевіч.

- Самы просты спосаб чытаць «Хартыю'97»

- Як абысці блакаванне сайта «Хартыя-97»

- Як абысці блакаванне сайта на Android і iOS

- Памяняйце DNS на сваім кампутары і чытайце Хартыю

- Чытайце «Хартыю-97» у сацыяльных сетках