Еўрадэпутат Ясенка Селімовіч: Беларускія ўлады павінны зняць блакаванне з «Хартыі-97»

Сітуацыя са свабодай прэсы ў Беларусі пагаршаецца.

Зварот дэпутата ад Швэцыі Ясенкі Селімовіча, агучаны напярэдадні галасавання аб рэзалюцыі «Аб пагаршэнні сітуацыі са свабодай СМІ ў Беларусі, сярод іншага, выпадак «Хартыі-97» на пленарнай сесіі Еўрапарламенту 4 кастрычніка ў Страсбургу. Словы еўрадэпутата падае грамадскі актывіст Дзяніс Казакевіч:

«Сітуацыя са свабодай прэсы ў Беларусі пагаршаецца. Са звестак Press Freedom Index, Беларусь займае 155-е месца з 180 у свеце паводле ўзроўню свабоды прэсы. Звычайны працоўны дзень незалежнага журналіста ў Беларусі ўключае ў сябе пераслед, запалохванні і пагрозы на свой адрас. У пачатку жніўня 2018 года беларускія ўлады правялі ператрусы ў рэдакцыях незалежных беларускіх выданнях tut.by і БелаПАН.

У той жа самы час урад пашырыў сферу свайго ўплыву на СМІ, увёўшы рэгістрацыю каментатараў. Гэта выходзіць за рамкі нашага ўяўлення. Беларускія ўлады павінны зняць блакаванне з «Хартыі-97» ды іншых незалежных СМІ. Я прашу Еўрапейскі парламент надалей падтрымліваць няўрадавыя арганізацыі ў Беларусі. Абарона свабоды слова грамадзян Беларусі - гэта наш абавязак».

Нагадаем, 4 кастрычніка Еўрапарламент прыняў рэзалюцыю «Аб пагаршэнні сітуацыі са свабодай СМІ ў Беларусі, сярод іншага, выпадак «Хартыі-97».

У рэзалюцыі абмяркоўваліся, галоўным чынам, нядаўнія скандальныя папраўкі ў беларускі закон аб СМІ, блакаванне сайта «Хартыя-97», ціск на журналістаў тэлеканала «Белсат» і «справа БелТА». Таксама згадваюцца палітвязні, а таксама асуджаныя лідары прафзвязу РЭП Генадзь Фядыніч ды Ігар Комлік.

Нагадаем, 3 верасня галоўная рэдактарка Наталля Радзіна заявіла пра пагрозу працы сайта «Хартыя-97» праз рэзкае скарачэнне фінансавання і заклікала чытачоў да салідарнасці. Вы можаце дапамагчы сайту наступным чынам:

АХВЯРАВАННЕ ПРАЗ PAYPAL:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка:Bank Millennium S. A.

Адрас: ul. Stanislawa Zaryna, 2A, 02-593, Warszawa

IBAN: PL 97 1160 0000 2202 0002 1671 1123

SWIFT: BIGBPLPW

Імя ўладальніка рахунку: Fundacja «KARTA '97»

Прызначэнне аплаты: Darowizna na cele statutowe

Звязацца з намі можна праз адрас [email protected]