Міністр ЖКГ: Неўзабаве беларусы будуць аплачваць 100% камунальных паслуг

Некаторыя тарыфы памяняюцца ўжо з наступнага года.

Беларусы з 1 студзеня 2018 года выйдуць на 100% узровень кампенсацыі затрат на ўсе паслугі ЖКГ. Пра гэта заявіў міністр жыллёва-камунальнай гаспадаркі Аляксандр Церахаў на пашыраным пасяджэнні прэзідыума «савета рэспублікі» і «савета» ва ўзаемадзеянні органаў мясцовага самакіравання пры «верхняй палаце» «парламента», паведамляе БелТА.

Міністр удакладніў, што з наступнага года беларусы будуць аплачваць субсідаванымі тарыфамі цеплавую энэргію - ацяпленне і гарачае водазабеспячэнне. Са слоў Аляксандра Церахава, гэта самы значны артыкул выдаткаў для спажыўцоў пры аплаце паслуг ЖКГ.

Міністр адзначыў, што вытворчасць цеплавой энэргіі таксама застаецца даволі дарагой. «Праца для зніжэння сабекошту цеплавой энэргіі носіць прыярытэтны характар», - сказаў ён.

Кіраўнік «савета рэспублікі» Міхаіл Мясніковіч назваў развязання пытанняў цеплазабеспячэння ў ліку прыярытэтных задач. Ён канстатаваў недахопы з сістэмай уліку адпушчанай цеплавой энэргіі. Яшчэ адна праблема, на якой акцэнтаваў увагу спікер, - страты ў жылым фондзе пры выпрацоўцы і транспартаванні цепланосьбітаў.