Мінпрацы назвала тры варыянты падвышэння пенсіённага ўзросту

За найбольш выгадны для дзяржавы міністр працы і сацыяльнай абароны Марыяна Шчоткіна ўважае варыянт: 65 гадоў для мужчын, 60 - для жанчын.

Лукашэнку сёння на нарадзе ў пытаннях развіцця пенсійнай сістэмы былі прапанаваныя тры варыянты падвышэння пенсійнага ўзросту.

Пра гэта распавяла журналістам паводле вынікаў нарады міністр працы і сацыяльнай абароны Мар'яна Шчоткіна, паведамляе БелТА.

Са словаў міністра, варыянты эканамічна пралічаныя, у тым ліку з прыцягненнем вучоных. Першы варыянт прадугледжвае выхад на пенсію жанчын у 60 гадоў і мужчын у 65. Мар'яна Шчоткіна адзначыла, што гэта самы эканамічна прымальны варыянт, бо дае добрыя паказчыкі.

Пры гэтым яна падкрэсліла, што неабходна ўлічваць не толькі досвед многіх краін свету ў развязанні гэтага пытання, але і працягласць жыцця, узровень стану здароўя, а таксама спецыфіку жыцця ў гарадской і сельскай мясцовасці.

У Беларусі прапануецца паэтапна падвышаць пенсійны ўзрост з 1 студзеня 2017 года. Як распавяла журналістам паводле вынікаў нарады міністр працы і сацыяльнай абароны Мар'яна Шчоткіна, канчатковая пастанова ў гэтым пытанні будзе прынятая пасля шырокага абмеркавання.

«Таму, прааналізаваўшы дэмаграфічныя працэсы, прапанаваны варыянт выхаду на пенсію жанчын у 60 гадоў, мужчын - у 63 гады. Тут за аснову бралася перш за ўсё тое, што сёння сярэдняя працягласць жыцця жанчын складае 78,4 года, а атрыманне пенсіі - больш за 20 гадоў пасля выхаду на пенсію, - адзначыла міністр. - Нядаўна гаварылася пра тое, што гендэрная роўнасць павінна ўлічвацца і ў дасягненні пенсіённага ўзросту».

«Але ўзнікае пытанне: ці можам мы сёння выкрасліць сацыяльны аспект, нагрузку на жанчын? Ці павінна быць розніца паміж выхадам на пенсію ў мужчын і жанчын? Якая нагрузка на жанчын у хатняй гаспадарцы? Ці дасягнулі мы сёння таго ўзроўню гендэрнай роўнасці?» - прадоўжыла Марыяна Шчоткіна.

Зыходзячы з гэтага, трэці варыянт прадугледжвае ўвядзенне пенсійнага ўзросту з 58 гадоў для жанчын і з 63 - для мужчын. Што тычыцца тэмпу, з якім плануецца павялічваць пенсійны ўзрост, то найбольш аптымальным з'яўляецца з крокам у паўгода.

«Мы ўжо згубілі момант, калі можна было рухацца па адным ці трымя месяцамі. Калі мы хочам захаваць стабільнасць у дзяржаве, то сёння самы невялікі тэмп, які мы можам сабе дазволіць, - гэта 6 месяцаў. Ёсць і іншыя прапановы: 8 месяцаў, 1 год. Але 1 год - гэта вельмі жорсткі варыянт», - сказала міністр.

Яна таксама звярнула ўвагу, што не варта выпускаць з-пад увагі і развіццё рынку працы. «Калі мы сёння затрымліваем пенсіянераў на рынку, то адпаведна павінны стварацца новыя працоўныя месцы, бо ў нас ёсць выпускнікі ВНУ, моладзь, якая павінна мець гарантыю на першае працоўнае месца», - падкрэсліла міністр.

Нагадаем, што Аляксандр Лукашэнка сёння на нарадзе, прысвечанай абмеркаванню пытанняў развіцця пенсійнай сістэмы, упершыню наўпрост выказаўся за падвышэнне пенсійнага ўзросту для ўсіх.

«55-60 гадоў - гэта нармальны ўзрост. І скажы жанчыне, што яна старая ў 55 гадоў або пенсіянерка! Слухайце, пакрыўдзіцца! Тое ж самае і пра мужыкоў можна сказаць. Яны дэманстратыўна не крыўдзяцца, але ў душы. У 60 гадоў мужык - гэта конь, на якім можна яшчэ араць і плугам не ў адзін корпус, а ў тры корпусы зачапіць, і пацягне», - сказаў ён.