Беларускі афіцэр расказаў, ці ёсць у войску «партызаны»

Лукашэнка баіцца вайскоўцаў.

Палкоўнік УСУ, лётчык-выпрабавальнік Раман Світан выказаў меркаванне, што ў беларускім войску ёсць вайскоўцы, настроеныя на зрынанне Лукашэнкі.

“Частка беларускіх войскаў разумее, што краінай кіруе прарасейскі акупацыйны рэжым. Яны пакуль вымушаны выконваць загады, але як партызаны чакаюць свайго часу. Думаю, яны яго дачакаюцца”, - мяркуе украінскі палкоўнік.

Ці ёсць у беларускім войску партызаны? Сайт Charter97.org спытаў выканаўцу абавязка старшыні партыі "Народная Грамада", ветэрана афганскай вайны, афіцэра запасу Яўгена Вільскага:

- Так, ёсць такая інфармацыя. Я асабіста з такімі не знаёмы, але чуў ад сваіх знаёмых, у якіх дзеці служаць у войску на афіцэрскіх пасадах, што такія настроі ёсць. Пакуль усе ціхенька сядзяць і чакаюць нейкага моманту, каб зразумець, да каго далучыцца.

Праблема ў тым, што Лукашэнка таксама ўмацоўвае сваё войска. Было прынята шмат “вагнераўцаў” з беларускімі каранямі, у асноўным – на сяржанцкія пасады, вядома, і на афіцэрскія. А тыя, хто выклікаў нейкі сумнеў у рэжыму, былі звольненыя. Рэжым выдатна разумее, што адбываецца ў беларускім войску, і ўсялякімі сродкамі спрабуе ўмацаваць сябе і неяк падстрахаваць. Набраць тых людзей, якія ніякіх прынцыпаў не маюць і будуць служыць тым, хто плаціць наймітам. Гэта паказвае, якія настроі ў беларускім войску, калі ўжо рэжым баіцца сваіх вайскоўцаў.

- Ці могуць беларускія вайскоўцы ў нейкі момант пра сябе заявіць?

- Я сумняваюся, што яны могуць зараз гэта зрабіць. Вы ж ведаеце, 30 гадоў гэта ўсё душылася, асабліва апошнія тры гады прапаганда актывізавалася. Зараз імкнуцца прыбіраць старшых афіцэраў, а на іх пасады бяруць маладых з прамытымі мазгамі, таму складана зараз чагосьці чакаць ад беларускага войска.

Але калі адбудуцца пэўныя падзеі, напрыклад, нешта адбудзецца ва Украіне, тады ад беларускага войска можна чакаць чаго хочаш.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]