Украіна працуе над новай балістычнай ракетай FP-9, якая можа дастаць да Масквы

Што вядома.

Сузаснавальнік і галоўны канструктар абароннай кампаніі Fire Point Дзяніс Штылерман заявіў, што ўкраінскія інжынеры працуюць над новай балістычнай ракетай FP-9 з далёкасцю палёту да 800 кіламетраў. Яна патэнцыйна здольная паражаць мэты ў Маскве.

Пра гэта Штылерман расказаў у інтэрв'ю Армія TV, паведамляе New Voice.

Ён адзначыў, што ключавой асаблівасцю ракеты павінна стаць высокая хуткасць пры паражэнні мэты, што ўскладняе перахоп сродкамі супрацьпаветранай абароны.

«FP-9 будзе лёгка трапляць у мэты ў Маскве, таму што ў яе вельмі вялікая хуткасць падлёту да мэты. Напрыклад, у „Іскандэра“ цяпер каля 800 метраў за секунду, а ў нас будзе больш за тысячу», — кажа Штылерман.

Ён падкрэсліў, што такая хуткасць дазваляе значна эфектыўней пераадольваць сістэму СПА. Паводле слоў распрацоўшчыка, менавіта балістычныя ракеты могуць змяніць характар удараў па мэтах у глыбіні РФ.

Крылацкія ракеты і БПЛА, нягледзячы на рэгулярныя атакі, не заўсёды здольныя нанесці істотную шкоду аб’ектам у раёнах са шчыльным прыкрыццём СПА, растлумачыў Штылерман.

«Крылацкімі ракетамі і дронамі цяпер немагчыма паразіць нешта істотнае ў Маскве. Там шчыльнае кальцо СПА», — сказаў ён.

Выпрабаванні ракеты FP-9 плануюць правесці на пачатку лета.

Кампанія Fire Point паведаміла пра распрацоўку ўласных балістычных ракет FP-7 і FP-9 на пачатку верасня 2025-га на выставе ў Польшчы. У лістападзе кампанія заяўляла, што збіраецца скончыць выпрабаванні балістычных ракет у першай палове 2026 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]