Кая Каллас: Іранскі рэжым імкліва слабея

Рэальныя ваенныя магчымасці Тэгерана застаюцца абмежаванымі.

Еўразвяз плануе запусціць дыпламатычную ініцыятыву для пастаўкі ўкраінскіх сродкаў перахопу беспілотнікаў у краіны Блізкага Усходу на фоне вайны ў Іране. Улічваючы, што РФ можа дапамагаць Ірану наносіць удары па амерыканскіх базах, унікальны досвед Украіны ў перахопе «Шахедаў» можна выкарыстаць для супрацьстаяння атакам, заявіла вышэйшая дыпламатка ЕС Кая Каллас, паводле паведамлення «Радыё Свабода».

На штогадовай канферэнцыі паслоў блоку 9 сакавіка Каллас адзначыла, што Брусель уважліва сочыць за дзеяннямі Крамля і Тэгерана. Кая Каллас лічыць такую кааліцыю чаканай і небяспечнай, бо Расія перадае іранскаму рэжыму разведвальныя даныя. Сам Іран актыўна атакуе дронамі краіны Персідскага заліва.

«У адказ на патрэбу ў перахопніках дронаў мы рыхтуем новую ініцыятыву — стаць свайго кшталту «пасрэднікам», які аб'яднае прамысловыя магчымасці Украіны з ваеннымі патрэбамі краін Блізкага Усходу», — адзначыла Каллас.

ЕС плануе аб'яднаць украінскія вытворчыя магутнасці з фінансавымі і абароннымі запытамі арабскіх дзяржаў. Дыпламатка перакананая, што іранскі рэжым імкліва слабея. Нягледзячы на агрэсіўную рыторыку Тэгерана, яго рэальныя ваенныя магчымасці застаюцца абмежаванымі, але мірнае насельніцтва рэгіёну працягвае церпець ад атак, адзначыла Каллас.

«Менавіта таму ЕС працягвае заклікаць усе бакі праяўляць максімальную стрыманасць, абараняць мірных жыхароў і выконваць міжнароднае права», — заявіла прадстаўніца Еўразвязу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]