БелЖД выказалася аб цягніках паміж Беларуссю і Польшчай

Ці варта чакаць аднаўлення чыгуначных зносін?

Беларуская чыгунка не плануе аднаўляць рух пасажырскіх цягнікоў праз беларуска-польскую мяжу. Пра гэта ў кантакт-цэнтры БЧ паведамілі журналістцы «Белсата».

«На дадзены момант у кантакт-цэнтр Беларускай чыгункі інфармацыя аб прызначэнні цягнікоў у зносінах з Польшчай не паступала», — перадае «Белсат» адказ Беларускай чыгункі.

У кантакт-цэнтры БЧ рэкамендавалі сачыць за актуальнай інфармацыяй на афіцыйным сайце pass.rw.by, у мабільным дадатку «БЧ. Мой поезд» або звяртацца ў кантакт-цэнтр Беларускай чыгункі па нумары 105. Пасажыры, якія знаходзяцца па-за межамі Беларусі, могуць зрабіць гэта па тэлефоне (+375 222) 39 25 47.

Пасажырскі чыгуначны рух паміж Польшчай і Беларуссю спыніўся ў сакавіку 2020 года. Спачатку на гэта паўплывала пандэмія каранавіруса, а потым — санкцыі супраць рэжыму Лукашэнкі. Цяпер прадстаўнікі польскага кіраўніцтва адной з галоўных перашкод для аднаўлення пасажырскага руху праз мяжу называюць пагрозу нелегальнай міграцыі.

Тым не менш у беларускіх афіцыйных СМІ перыядычна з’яўляюцца звесткі пра нейкія перамовы і нават называюцца даты, калі пасажырскі рух праз мяжу будзе адноўлены. Польскі бок абвяргаў гэтыя заявы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]