Журналіста Паўла Дабравольскага прысудзілі да дзевяці гадоў калоніі

За «здраду дзяржаве».

Журналіста Паўла Дабравольскага прысудзілі да дзевяці гадоў пазбаўлення волі ў калоніі строгага рэжыму. Пра гэта паведамляе «Позірк».

Яго судзілі па ч. 1 арт. 356 КК (здрада дзяржаве). Рашэнне вынес Мінскі гарадскі суд, працэс быў закрытым.

Паводле наяўнай інфармацыі, абвінавачанне было звязанае з прафесійнай дзейнасцю журналіста. Дабравольскі працаваў як у беларускіх, так і ў замежных СМІ, у тым ліку ў украінскім выданні NV.ua (да пачатку поўнамаштабнага ўварвання Расіі ва Украіну).

Нагадаем, Паўла Дабравольскага затрымалі ў Мінску 22 студзеня 2025 года — праз некалькі месяцаў пасля вяртання на радзіму.

З Беларусі Павал з'ехаў на пачатку восені 2021 года. Паводле інфармацыі на яго старонках у сацыяльных сетках, пасля ад'езду падарожнічаў па свеце: аб'ехаў шэраг еўрапейскіх краін, быў у Іране, Расіі, краінах Паўднёвай Амерыкі. У кастрычніку 2024 года вярнуўся ў Мінск.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]