Калекцыю з пяці суперкараў распрадалі за $32 мільёны

Найдаражэйшы аўтамабіль у калекцыі — суперкар Ferrari Enzo 2003 года выпуску.

У ЗША на аўкцыёне прадалі калекцыю рэдкіх суперкараў. З малатка пайшлі эксклюзіўныя Ferrari і Porsche ў новым стане і з мінімальным прабегам.

Агульная вартасць пяці аўтамабіляў склала 32,8 мільёна долараў, прычым большасць з іх прадалі па рэкордных (для гэтых мадэляў) цэнах. Падрабязнасці пра суперкары апублікавалі на сайце аўкцыёна Broad Arrow, заўважыў «Фокус».

Эксклюзіўныя спартыўныя аўтамабілі сабраў амерыканскі калекцыянер. Усе суперкары ў ідэальным стане і маюць малы прабег, гэта значыць — капсулы часу.

Найдаражэйшы аўтамабіль у калекцыі — суперкар Ferrari Enzo 2003 года выпуску з прабегам 724 км за 15 185 000 долараў. Выпушчана ўсяго 400 такіх купэ, а ў распрацоўцы мадэлі ўдзельнічаў Міхаэль Шумахер. 6,0-літровы V12 магутнасцю 660 к.с. дазваляе разганяцца да 100 км/г за 3,4 с і развіваць 350 км/г.

Найстарэйшым з’яўляецца Porsche 959 Sport 1988 года, які праехаў 18,6 тыс. км. За яго аддалі 5 505 000 долараў. Суперкараў у палегчанай версіі Sport магутнасцю 515 к.с. вырабілі ўсяго 29. Ён развіваў 339 км/г і быў самым хуткім аўтамабілем свайго часу.

Трэкавы суперкар Ferrari Monza SP2 без лабавога шкла пайшоў з малатка за 4 955 000 долараў. Аўтамабіль з V12 магутнасцю 810 к.с. мае найменшы прабег — 26 км.

Купэ Ferrari F12tdf магутнасцю 780 к.с. з прабегам 160 км прадалі за 4 185 000 долараў, а гібрыдны суперкар Porsche 918 Spyder магутнасцю 887 к.с. (ён праехаў 566 км) — за $2 975 000.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]