Чаму ў Гомелі цэны на кватэры прыраўнялі да Мінска?

Гомельчанка здзівілася цэнам на арэнду ў сваім горадзе.

Жыхары Мінска нярэдка скардзяцца на цэны на арэнду кватэр. Аднак такая праблема існуе і ў рэгіёнах. Пра яе ў Threads распавяла гомельчанка, калі ўбачыла, колькі просяць за маласямейку ў абласным цэнтры. Яна пацікавілася: «У Гомелі цэны на кватэры прыраўнялі да Мінска?» У каментарах не ўсе з ёй пагадзіліся, заўважыла «Зеркало».

Сярод сайтаў, дзе жанчына глядзела кватэру, — kufar.by. Там яна звярнула ўвагу на маласямейку на праспекце Касманаўтаў. Агульная плошча памяшкання каля 30 «квадратаў», з іх жылых — крыху больш за 18.

— Я, можа, чагосьці не разумею, але чаму ў Гомелі цэны на кватэры прыраўнялі да Мінска? За маласямейку 580 буноў (рублёў. — Заўв. рэд.)? Сур'ёзна? — не хавала здзіўлення яна.

У каментарах ёй напісалі, што цана можа быць звязаная з адрасам. Паводле слоў адной з карыстальніц, на праспекце добрае жыллё. У выніку і кошт арэнды прыстойны.

— Сказаць, што там брудна або неадэкватна, не магу. Не раз там бывала ў гасцях, усё цывільна, — падзялілася назіраннямі адна з удзельніц абмеркавання.

Аўтарка паста пярэчыла, што ўжо здымала жыллё ў адным з дамоў на праспекце. Пад'езд і суседзяў яна коратка апісала «не айс».

— Але за 200 рублёў гэта былі дробязі, сама кватэра была добрая, — адзначыла жанчына.

За дзень пост гомельчанкі праглядзелі амаль 40 тысяч разоў. Яе абурэнне падзялілі не ўсе. Пад меркаваннем больш за 50 каментароў. Вось некаторыя з іх:

«У Мінску такіх цэн няма, старт ад 320 [долараў] за „бабулін варыянт“»;

«Пры чым тут Мінск да Гомеля? Каментатары, з вамі ўсё окей? Рынак у Гомелі ўжо практычна як у Мінску. [Невядома] за якія грошы мне здымаць кватэру з улікам маёй зарплаты ў 1000—1400 [рублёў]. Пры гэтым я яшчэ і з жывёламі»;

«Таму што а***лі. Цэны не мінскія, вядома, але выходзіць дорага. Я за 500 [рублёў] на [вуліцы] Народнага апалчэння здымаю велізарную кватэру»;

«У Мінску такое за 300 долараў не заўсёды знойдзеш»;

«У Мінску цяпер пакой здаюць за гэтыя грошы»;

«Стандартная цана за аднапакаёўку ў Гомелі — ад 650 рублёў. Нібыта тут нічога анамальнага няма»;

«[За] 200 долараў няма [жытла] ў Мінску. Хіба што за адзін пакой, калі жывеш з кімсьці ў двухпакаёўцы або трохпакаёўцы. Мінімум 300 долараў. [Пры гэтым] у Мінску і не важна, што няма рамонту»;

«Цэны касмас, я кожны раз у а**е».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]