«Мы ў цынкавай труне прыедзем?»

Расійскія студэнты адмовіліся ехаць на вайну ва Украіну.

Кампанія ўладаў па вербоўцы студэнтаў у войскі беспілотных сістэм, разгорнутая па ўсёй Расіі на фоне праблем з папаўненнем страт на фронце ва Украіне, закранула ўжо як мінімум 91 ВНУ і больш за 100 тэхнікумаў краіны. Аднак маладыя расіяне не спяшаюцца адгукацца на такую спробу рэкрутынгу, якая ў рэчаіснасці прадугледжвае накіраванне на фронт.

Так, у Варонежскім дзяржаўным універсітэце інжынерных тэхналогій студэнты без энтузіязму ўспрынялі спробу матываваць іх на «абарону радзімы» ва Украіне, за што атрымалі жорсткі адказ ад дэка́на факультэта кіравання і інфарматыкі ў тэхналагічных сістэмах Аляксея Скрыпнікава.

«Падыміце рукі, хто лічыць сябе мужчынам. Ёсць тут мужчыны ці няма ў аўдыторыі? Няма? Мне сорамна за вас! Здыміце штаны, надзеньце спадніцы і павесьце сабе банцікі. І бараду сабе апаліце, каб нічога не засталося… Вы мужчыны ці не? Мамкі каго з вас выхавалі? Слюнцяі вы? Ці вы ўсё ж будучыя бацькі? Ці мы будзем здавацца, казаць «Хохлы, мы здаёмся»? Як вы сабе гэта ўяўляеце?» — заявіў прадстаўнік ВНУ падчас сходу ў лютым. Яго выказванні, запісаныя навучэнцамі, апублікавала «Верстка».

Дэкан заявіў студэнтам, што ўкраінскія вайскоўцы нібыта «кальюць свастыку не толькі на целе, але і ў сэрцы», а таксама распавёў, што байцы ЗСУ забіваюць цяжарных жанчын, дзяцей і здзекуюцца з пажылых мірных жыхароў — усё гэта, па прызнанні Скрыпнікава, ён бачыў «па федэральным канале».

Дэкан падмацаваў свае аргументы сцвярджэннем, што ўкраінцы нібыта кастрыруюць палонных расійскіх вайскоўцаў і запаўняюць ім задні праход мантажнай пенай. «Як вы будзеце глядзець сваім дзяўчатам у вочы, калі іх будуць гвалціць? … Уявіце, як яе будуць гвалціць фашысты. Падумалі пра тое, як над вашай мамкай будуць… здзекавацца?» — заявіў ён.

На думку Скрыпнікава, студэнты лічаць, што вайна «іх не датычыць» з-за адтэрміноўкі. «Палова з вас яшчэ і нармальна не вучыцца, спекулюеце, працуеце. 10% з вас спрабуюць разводзіць дэмагогію. Вам хтосьці нешта павінен? Ці вы думаеце, што дзяржава павінна зрабіць для вас усё? Яна вам нічога не павінна!» — раз'ярыўся кіраўнік факультэта, атрымаўшы ў адказ «ропат аўдыторыі».

«Выхаваўчую гутарку» са студэнтамі, якія адмовіліся ісці на вайну пасля візіту вярбоўшчыкаў, у лютым правяла і дырэктар Новасібірскага каледжа транспартных тэхналогій Марыя Кірсанава. Яна сабрала старшакурснікаў у аўдыторыі і абвінаваціла іх у баязлівасці, заявіўшы пра «шок» з-за таго, што частка прысутных ідзе вучыцца дзеля адтэрміноўкі ад арміі.

«Пачынаеш размаўляць з васьмінаццацігадовымі, з вамі. Хлопцы, ну Радзіма патрабуе, трэба! А ў адказ: «Ды што, мы ў цынкавай труне прыедзем, ці што?». Адкуль у вас гэты страх? А хто будзе абараняць нас? Я кажу: ідзіце цяпер па кантракце, вы атрымаеце дыплом. Бо цяпер набіраюцца новыя войскі, таму такая патрэба. Вы што, усе тут баязліўцы, сядзіце, баіцеся за сваё жыццё?» — заявіла дырэктар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]