Беларусам прапануюць незвычайна танныя тэлефоны і тэхніку

У чым падвох?

У сацыяльнай сетцы Instagram і мэсэнджары Telegram махляры працягваюць «прадаваць» бытавую і камп'ютарную тэхніку, нібыта канфіскаваную на мытні. Мытныя органы папярэджваюць, што не маюць да гэтага дачынення.

У Instagram фэйкавыя акаўнты называюцца «bel_opt» і «bel_opt2». У першага прыстойная колькасць зацікаўленых — больш за 7,5 тысячы падпісчыкаў. Раней гэтая махлярская схема «працавала» пад нікам «customs_belarus».

Запушчана таргетаваная рэклама пра продаж смартфонаў, пральных машын, халадзільнікаў і іншай тэхнікі па «прывабных цэнах». Прапануецца перайсці па спасылцы, каб азнаёміцца з асартыментам тавараў і зрабіць заказ з абавязковай перадплатай.

«Падобная схема падману ў Telegram рэалізуецца праз махлярскі канал «Беларусь», які раней меў назву «Склад». Каб працягваць дзейнасць, ашуканцы ўскладнілі пошук канала, абмежаваўшы да яго доступ. Увага, на старонку падпісана звыш 40 тыс. чалавек, што можа выклікаць давер да яго з боку грамадзян», — папярэджваюць мытныя службы.

Усе фэйкавыя акаўнты афармленыя сімволікай беларускай мытні.

Улады папярэджваюць, што мытныя органы толькі часова затрымліваюць у межах заканадаўства незаконна перамяшчаемыя праз мяжу тавары, а далейшае рашэнне аб іх канфіскацыі прымае суд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]