Андрус Кубілюс: Еўропе трэба нарошчваць вытворчасць сродкаў супрацьпаветранай абароны і ракет
- 6.03.2026, 13:44
Еўракамісар па абароне і касмасе прыбыў у Польшчу прасіць ракеты для Украіны.
Андрус Кубілюс правёў прэс-канферэнцыю ў Варшаве разам з міністрам абароны Польшчы Уладзіславам Косінякам-Камышам, паведамляе «Еўрапейская праўда».
«Я абвясціў пра гэты «ракетны тур» месяц таму... Чаму мы пачалі менавіта з Польшчы, з Варшавы? Польшча з'яўляецца ключавой дзяржавай у кантэксце будучыні еўрапейскай абароны, будучыні еўрапейскай абароннай прамысловасці і для вытворчасці ракет у Еўропе», — паведаміў Кубілюс.
Ён дадаў, што цяпер ЕС рыхтуе крэдыт у падтрымку Украіны, з якога 60 млрд еўра ў 2026–27 гадах пойдзе менавіта на падтрымку ўкраінскай абароны.
«Украіна мае вельмі выразныя стратэгічныя прыярытэты адносна таго, што трэба прафінансаваць за кошт гэтага крэдыту: ракеты, дроны і боепрыпасы калібру 155 мм павялічанай далёкасці. Выходзячы з гэтых трох асноўных прыярытэтаў, усё выглядае так, што ракеты цяпер сапраўды самы складаны прыярытэт», — распавёў еўракамісар.
Кубілюс нагадаў, што цягам 2025 года Украіна падверглася амаль 2 тысячам ракетных атак з боку Расіі, з іх 900 — балістычнымі ракетамі, якія цяжка знішчыць.
Для барацьбы з балістычнымі атакамі эфектыўная амерыканская сістэма Patriot.
«Украінцам толькі на зімовы сезон, на чатырохмесячны перыяд, спатрэбілася каля 700 ракет для Patriot, ракет PAC-2, PAC-3. Гэта той аб’ём, які амерыканскія вытворцы здольныя вырабіць цягам аднаго года», — канстатаваў ён.
Паводле яго слоў, гэта азначае, што Украіне патрэбныя 2 тысячы або больш ракет штогод.
«Цяпер цалкам зразумела, што пасля іранскага крызісу... для нас у Еўропе стала яшчэ больш актуальна нарошчваць вытворчасць сродкаў супрацьпаветранай абароны і супрацьбалістычных ракет», — рэзюмаваў еўракамісар.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
