У Вялікабрытаніі арыштавалі чатырох падазраваных у шпіянажы на карысць Ірана

Затрыманых падазраюць у сачэнні за яўрэйскай супольнасцю.

Паліцыя Лондана паведаміла пра арышт чатырох асоб, падазраваных у шпіянажы на карысць іранскай разведкі, паведамляе The Guardian.

Затрыманых падазраюць у сачэнні за месцамі і асобамі, звязанымі з яўрэйскай супольнасцю Лондана, гаворыцца ў заяве праваахоўнікаў.

Адзін іранец і тры асобы з двайным грамадзянствам Вялікабрытаніі і Ірана былі арыштаваныя раніцай у раёнах Барнет і Уотфард.

Паліцыя таксама паведаміла пра затрыманне яшчэ шасцярых мужчын у Хароў па падазрэнні ў садзейнічанні злачынцу.

«Гэтыя арышты сталі часткай працяглага расследавання і часткай нашай пастаяннай працы па спыненні зламыснай дзейнасці там, дзе мы яе падазраем», — заявіла кіраўніца аддзела па барацьбе з тэрарызмам у паліцыі Лондана Хелен Фланаган.

Нагадаем, на гэтым тыдні паліцыя Вялікабрытаніі арыштавала траіх падазраваных у шпіянажы на карысць Кітая, адзін з іх аказаўся мужам дэпутаткі ад Лейбарысцкай партыі Джоані Рыд.

Таксама ў аўторак стала вядома, што Грэцыя затрымала 36-гадовага грамадзяніна Грузіі, якога падазраюць у шпіянажы за ваенна-марскай базай ЗША на востраве Крыт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]