Больш за 20 краін запатрабавалі забеспячэння бяспекі ў Армузскай пратоцы
- 21.03.2026, 19:33
- 1,600
Апублікавана сумесная заява.
Дваццаць дзве дзяржавы выказалі гатоўнасць зрабіць унёсак у забеспячэнне бяспечнага праходу праз Армузскую пратоку. Сумесную заяву апублікавала прэс-служба Міністэрства замежных спраў ААЭ ў суботу, 21 сакавіка.
Дакумент падпісалі краіны Еўропы, Японія, Канада, Паўднёвая Карэя, Новая Зеландыя, Аўстралія, Бахрэйн і ААЭ. «Мы самым рашучым чынам асуджаем нядаўнія напады Ірана на неўзброеныя гандлёвыя судны ў Персідскім заліве, напады на грамадзянскую інфраструктуру, уключаючы нафтагазавыя аб’екты, і фактычнае закрыццё Армузскай пратокі іранскімі сіламі», — гаворыцца ў заяве.
Бакі, што падпісалі дакумент, «выказалі глыбокую занепакоенасць з нагоды эскалацыі канфлікту». «Мы заклікаем Іран неадкладна спыніць свае пагрозы, усталёўку мін, атакі беспілотнікаў і ракет, а таксама іншыя спробы заблакаваць пратоку для камерцыйнага судаходства і выканаць рэзалюцыю Савета Бяспекі ААН», — заявілі краіны.
Яны таксама выказалі гатоўнасць зрабіць унёсак «у адпаведныя меры па забеспячэнні бяспечнага праходу праз пратоку». «Мы вітаем прыхільнасць краін, якія ўдзельнічаюць у падрыхтоўчым планаванні», — адзначана ў дакуменце.
З пачатку вайны ЗША і Ізраіля з Іранам Армузская пратока, праз якую праходзіць каля 20% сусветных перавозак нафты і звадкаванага прыроднага газу, фактычна заблакаваная іранскімі вайскоўцамі. Іран таксама наносіць удары па нафтавых аб’ектах у шэрагу краін рэгіёну Персідскага заліва і па нафтавых танкерах, што ўжо прывяло да рэзкага росту цэн на энерганосьбіты ў свеце.
Калі блакада Армузскай пратокі захаваецца да канца чэрвеня, сусветны эканамічны рост у другім квартале знізіцца на 2,9 працэнтнага пункта ў гадавым вылічэнні, падлічыў Федэральны рэзервовы банк (ФРБ) Даласа. Калі пратока застанецца закрытай тры кварталы гэтага года, кошт барэля да канца года можа дасягнуць 132 долараў, прадказалі аналітыкі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
