У дзень, калі памілавалі палітзняволенага Дароніна, ягонай жонцы прысудзілі 8,5 года калоніі

За ўдзел у дваравым чаце.

У спіс памілаваных 19 сакавіка 2026 года трапіў Сяргей Даронін — не надта медыйная асоба, у базах палітзняволеных нават не было ягонай фотаздымкі.

Сяргею 51 год. Ён з Горак. Паводле сацсетак, быў звычайным рабочым, піша «Наша Ніва».

Дароніна затрымалі ў кастрычніку 2024‑га падчас аблавы на ўдзельнікаў дваравых і гарадскіх супольнасцяў. За гэта яму прысудзілі два з паловай гады зняволення — за «ўдзел у экстрэмісцкім фармаванні» (ч. 3 арт. 361‑1 Крымінальнага кодэкса).

Разам з Сяргеем затрымалі і жонку, 52‑гадовую Наталлю Дароніну. Яна родам з Санкт‑Пецярбурга, але большую частку жыцця пражыла ў Беларусі, у Горках. Раней яна мела статус індывідуальнага прадпрымальніка, гандлявала ў кіёску.

Наталлі прад’явілі абвінавачанні паводле цяжэйшых артыкулаў — удзел у экстрэмісцкім фармаванні (ч. 3 арт. 361‑1) і ўдзел у змове з мэтай захопу дзяржаўнай улады (ч. 1 арт. 357 КК).

19 сакавіка ў яе быў фінальны суд. Наталлі прысудзілі 8,5 года калоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]