Іран прапусціць японскія караблі праз Армузскі праліў

Трамп няўдала пажартаваў пра Пэрл-Харбар?

Міністр замежных спраў Ірана Абас Арагчы заявіў, што краіна гатовая дазволіць караблям, звязаным з Японіяй, праходзіць праз Армузскі праліў.

Заява прагучала пасля кансультацый паміж афіцыйнымі асобамі краін, перадае Bloomberg са спасылкай на інтэрв’ю Арагчы японскаму агенцтву Kyodo News.

Вядома, што Японія ў значнай ступені залежыць ад Блізкага Усходу ў пытаннях імпарту нафты. Вайна ў Іране прымусіла гэтую азіяцкую краіну пачаць выкарыстоўваць нафту з рэзерваў у гэтым месяцы.

У той жа час, паводле звестак прэсы, Японія адчувае ціск з боку прэзідэнта ЗША Дональда Трампа адносна забеспячэння бяспекі ў праліве.

Падчас асабістай сустрэчы з Трампам на пачатку гэтага тыдня ў Вашынгтоне прэм’ер-міністр Японіі Санаэ Такаіці патлумачыла яму прававыя абмежаванні, што да ўдзелу Японіі ў такіх мерапрыемствах. Яна падкрэсліла сферы, у якіх бакі дасягнулі згоды, у прыватнасці абавязацельства імпартаваць больш нафты з ЗША і супрацоўнічаць у сферы распрацоўкі ракет, пішуць СМІ.

Вайна ЗША супраць Ірана і жарты Трампа

Трамп таксама стаў аўтарам недарэчнага жарту падчас сустрэчы з Такаіці, недапушчальнага на найвышэйшым дыпламатычным узроўні. На пытанне японскага журналіста, чаму Вашынгтон не паведаміў саюзнікам пра свае планы наконт атакі на Іран, Трамп задаў сустрэчнае пытанне — чаму японцы не папярэдзілі яго пра Пэрл-Харбар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]