Лукашэнка павінен заставацца нярукапажатным

Гэта ў нацыянальных інтарэсах Украіны.

Я заўсёды з хваляваннем успрымаю навіны пра вызваленне палітычных зняволеных Лукашэнкі. І вось учора на волю выйшлі 250 чалавек.

У спісе вызваленых — журналістка Кацярына Андрэева, блогер Эдуард Пальчыс, а таксама праваабаронцы Наста Лойка і Валянцін Стэфановіч.

Беларускі дыктатар вядзе простую і зразумелую гульню: як сапраўдны гандляр рабамі, ён абменьвае сваіх грамадзян на прэферэнцыі ад ЗША. Галоўная з іх — зняцце санкцый. Перш за ўсё яго цікавіць магчымасць прадаваць праз балтыйскія парты прадукцыю «Беларуськалія», аднаго з найбуйнейшых прадпрыемстваў у гэтай сферы ў свеце.

У нашых нацыянальных інтарэсах — зрабіць усё магчымае, каб гэтыя санкцыі не былі знятыя і каб Лукашэнка не стаў «рукапажатным» палітыкам для лідараў Захаду. Бо гэта першы крок да адмены санкцый супраць Расіі і вяртання Пуціна ў легальную палітыку.

Менавіта з гэтай мэтай на мінулым тыдні парламент Украіны прыняў ініцыяваны мною зварот да ўрадаў Польшчы, Літвы, Латвіі і Эстоніі з заклікам захаваць і ўзмацніць эканамічную ізаляцыю Расіі і Беларусі.

Ігар Гузь, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]