Банкрутуе былы заснавальнік «Санта Бремор»
4- 2.03.2026, 11:12
- 7,896
Пасля скандалу з заражанай рыбай фірма падала заяву аб неплацежаздольнасці.
Брэмерхафенская кампанія Heinrich Abelmann Fischfeinkost, якая стаяла ля вытокаў стварэння аднаго з найбуйнейшых на постсавецкай прасторы рыбаперапрацоўчых бізнесаў «Санта Бремор», у канцы мінулага года стала фігурантам справы аб банкруцтве, піша «Белорусы и рынок».
Кампанія Heinrich Abelmann Fischfeinkost адыграла важную ролю ў стварэнні і развіцці беларускага рыбаперапрацоўчага бізнесу. Яе ўладальнік і кіраўнік Йоханнес Абельманн (памёр у 2015 годзе) стаяў ля вытокаў супрацоўніцтва, якое пазней перарасло ў буйны праект.
Цяпер жа фірма з амаль 70-гадовай гісторыяй, заснаваная ў 1956 годзе, спыняе існаванне, а 160 супрацоўнікаў засталіся без працы.
Прычынай праблем, што выліліся ў банкруцтва Heinrich Abelmann Fischfeinkost, стала выпадковасць.
А менавіта, бактэрыя лістэрыя, якая была ў сыравіне нарвежскага пастаўшчыка і якая разам з гатовай прадукцыяй нямецкай кампаніі трапіла ў гандаль.
Пасля выяўлення гэтага факта Heinrich Abelmann Fischfeinkost давялося адклікаць заражаную прадукцыю. Адкліканне ў першую чаргу закранула прадукт «Селядзец у жэле», папулярны сярод пажылых пакупнікоў і асабліва небяспечны для іх. Была таксама адкліканая і незаражаная прадукцыя. Агульная шкода склала 1,4 млн еўра.
Продажы на фоне скандалу абрынуліся на 35%. Гэта выклікала фінансавыя разрывы, з якімі кіраўніцтва не справілася і было вымушана падаць заяву аб банкруцтве.
Як пішуць нямецкія СМІ, 160 супрацоўнікаў кампаніі атрымліваюць дапамогу па неплацежаздольнасці ад Федэральнага агенцтва па працаўладкаванні. І будуць атрымліваць яе да канца лістапада 2026 года.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
